Këtë të premte është mbyllur dhe greva e avokatëve, të cilët për tre ditë me radhë bojkotuan proceset gjyqësore, pas dhunës barbare të ushtruar disa ditë më parë ndaj avokatit Sokol Mëngjesi në Tiranë. Bojkoti është mbyllur në orën 16:30, ndërsa nga dita e nesërme do të vijojë puna normalisht për ta. Kreu i Dhomës Kombëtare të Avokatisë, Maks Haxhia në një prononcim për TCH, u shpreh se bojkoti nuk ishte vetëm reagim kundër sulmit ndaj Sokol Mëngjesit.
Por edhe ndaj çdo qëndrimi denigruese ndaj misionit të avokatit, qoftë edhe në proceset gjyqësore, por edhe ndaj titullarëve dhe administratës shtetërore që nuk u kthen përgjigje mbrojtëse për kërkesat e tyre. Ndërkohë, Dhoma Kombëtare e Avokatisë ka urdhëruar, marrjen e procesverbalëve të seancave gjyqësore bazuar në informacionet se 6 avokatë e kanë bojkotuar bojkotin
Bojkoti për tre ditë i avokatëve, u vendos në mbledhjen e Dhomës Kombëtare të Avokatisë, pas dhunës së ushtruar ndaj avokatit Sokol Mëngjesi në Tiranë. Ky i fudnit u dhuna nga katër persona sapo kishte lënë djalin në kopësht. Ngjarja ndodhi në zonë e ish-Bllokut. Në pranga deri më tani kanë rënë vetëm njëri nga sulmuesit, Dorian Alia dhe organizatori i sulmit, Dritan Nano. Tre të tjerët vijojnë të jenë në kërkim.
Ndërkohë gjendja e avokatit Sokol Mëngjesi vojon të jetë e rëndë. Pas qëndroi për disa ditë në gjendje kome në spitalin e Traumës, Mëngjesi u nis me avion të posaçëm drejt Greqisë, për trajtim më të specializuar. Polica ka vënë 20 mijë euro shpërblim për ata që japin informacion për autorët, por deri më tani nuk ka asnjë shenjë
