Një nga ngjarjet që tërhoqi vëmendjen e publikut Prime-n e shkuar të “Big Brother” dhe që u komenua më shumë nga publiku ishte padyshim skualifikimi i Kejvina Kthjellës nga formati, me modelen që u detyrua të linte në mes eksperiencën e saj pas dhunës ndaj Luiz Ejllit (shuplakave që tanimë i kemi parë të gjithë). Ajo cka tjetër njerëzit vunë re në spektaklin e të martës ishte mungesa e saj në studio pas daljes nga shtëpia, një “ritual” që cdo banor që lë shtëpinë e bën, por që Kejvina nuk shkoi krah Arbana Osmanit për të folur në lidhje me atë cfarë ndodhi dhe eksperiencën e saj dhe një sqarim për këtë e ka bërë ditën e sotme regjizori i programit, Eduart Grishaj.
Në një intervistë ditën e sotme për “Wake Up”, ndër të tjera Grishaj foli edhe për përjashtimin e Kejvinës, teksa u shpreh i keqardhur me daljen e saj pasi stafi i emisionit e konsideron atë dhe gjithë të tjerët si “pjesë të skuadrës”, ndërsa duke përdorur referenca nga futbolli tha se Kthjella mori “kartonin e kuq” dhe sigurisht që nuk mund të ishte i lumtur për këtë.
Nga ana tjetër ai zbuloi edhe arsyen pse Kejvina nuk shkoi në studio, duke rrëfyer se ajo ka qenë e ngarkuar emocionalisht nga gjithcka që ndodhi dhe mjaft e mërzitur, megjithatë stafi ka folur me të dhe beson se do të jetë së shpejti në ekran bashkë me ta për të folur.
