Detaje të reja janë zbarhdur në lidhje me marrëdhënien e shqiptari Eduard Danaj me familjen e tij para se të kryente aktin e rëndë duke vrarë ish-gruan e tij. Në lidhje me ngjaren vajza e çiftit shqiptar ka folur për mediat greke. Gjatë fjalës së saj vajza u shpreh se babai i saj e kërcënont nënën e saj dhe i kishte thënë se do e vriste.
Ajo më tej shtoi se babai i saj dyshonte se Enkelejda e tradhëtonte ndërsa ai ishte shumë xheloz. Vajza më tej shtoi se babanë e saj e mban mend gjithmonë të pirë dhe se ishte person agresiv dhe ai e kishte goditur nënën në sy të saj. Ajo theksoi se babai i saj nuk i kishte goditur kurrë as atë dhë as vëllain e saj.
“Gjithmonë e mbaj mend duke pirë. Kur pinte bëhej agresiv ndaj nesh. Mbaj mend që ai godiste mamanë time. Ai mendonte se nëna ime po e tradhtonte dhe ishte shumë xheloz. Ai na kërcënonte se do të na vriste dhe do të vriste veten. Mua dhe vëllain nuk na ka goditur kurrë”, tha vajza, sipas ANT1.
40-vjeçarja, Enkelejda Danaj u gjet e pajetë mëngjesin e djeshëm në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo ishte goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase. Sipas informacioneve të mediave greke, Enkelejda kishte përmendur në denoncimet e saj se 50-vjeçari, kishte nisur të konsumonte sasi të mëdha alkooli dhe të bëhej i dhunshëm, ku si pasojë e ka dhunuar dhe kërcënuar disa herë. Hera e fundit që 40-vjeçarja e kishte denoncuar sërish për dhunë në familje (kanosje, lëndim fizik dhe fyerje) ka qenë më 7 maj 2024. Më pas burri është arrestuar dhe dërguar në prokurori, ndërsa do të dilte para gjyqit më 17 maj.
