Janë publikuar pamjet pak minuta pas ekzekutimit të Roan Brahimit në Greqi, kundërshtarit të Ervis Martinajt. Siç edhe shihet nga fotot të publikuara nga mediat greke, trupi i Brahimit ndodhet në sediljen e shoferit.
Ai është ekzekutuar nga një autor, i cili lëvizte me motor. Roan Brahimi kishte vetëm pak ditë që kishte ardhur nga Dubai në Athinë për të festuar pashkët me djalin e tij të mitur. Mediat greke raportojnë se ai ëhstë vrarë në sy të djalit të mitur dhe bashkëshortes së tij, Katerina Beqo.
“E kuptuam që diçka ndodhi, vrapuam, pamë makinën të parkuar në cep dhe gruaja e tij bërtiste “ndihmë, ndihmë”. Erdhën për të marrë fëmijën që luante”,-rrëfen një dëshmitar në lidhje me ngjarjen.
Roan Brahimi njihet si kundërshtar i Ervis Martinajt. Ai është i dyshuar për masakrën e mbikalimit të Fushë-Krujës ku mbetën të vrarë tre persona, mes tyre edhe kushëriri i parë i bosit të lojërave të fatit, Brilant Martinaj.
Nuk dihet nëse kjo është një hakmarrje e grupit të Martinajt, por policia greke thotë se po punon për kapjen e autorit.
