Mëngjesin e skësaj të enjte rreth orës 06:40 në fshatin Drenovë të Korçës, është gjetur në rrugë i pajetë një shtetas i huaj, i cili dyshohet të jetë emigrant nga Lindja e Mesme. Bëhet me dije se mosha e tij është rreth 25-30 vjeç dhe nga hetimet paraprake dyshohet se ka vdekur për shkaqe natyrore, pasi nuk iu gjetën shenja dhune në trup.
Autoritetet thonë se po pritet ekspertiza mjekoligjore për të përcaktuar shkakun e vdekjes. Ndërkohë që grupi hetimor vijon punën për sqarimin e plotë të rrethanave të ngjarjes.
