Zyrafete Lajçi, nëna e Edmond Lajçit që një ditë më parë vrau bashkëshorten e tij në Pejë, ka ndërruar jetë.
Mediat kosovare raportojnë se nëna e autorit të ngjarjes së rëndë ka ndërruar jetë mëngjesin e sotëm në spital.
Ndërkohë djali i saj, sot ka dalë para gjykatës pasi akuzohet për vrasjen e bashkëshortes 43-vjeçare Gjyljeta Ukella.
Një ditë më parë, Lajqi vrau me armë zjarri bashkëshorten e tij, nënën e tre fëmijëve, teksa ajo ishte duke pirë kafen e mëngjesit. Ai e ka qëlluar me armë nga mbrapa dhe më pas ka njoftuar policinë duke deklaruar: “E vrava gruan”.
Motivi i ngjarjes së rëndë ende nuk dihet, por ajo që vlen të thuhet është fakti se autori në vitin 2022 ka qenë i dënuar për dhunë në familje dhe është ndëshkuar me 400 euro gjobë.
