Një aksident që mund të kishte pasoja fatale është shënuar pak më herët në aksin rrugor El-Peqin.
Si pasojë e aksidentit një nga motorët ka përfunduar poshtë automjetit por fatmirësisht, drejtuesi i motorit 33-vjeçar ka shpëtuar pa dëmtime.
NJOFTIMI I POLICISË:
Elbasan/Informacion paraprak
Në aksin rrugor “Elbasan-Peqin”, automjeti me drejtues shtetasin B. S., 65 vjeç, ka përplasur motomjetin me drejtues shtetasin D. C., 33 vjeç.
Të dy drejtuesit e mjeteve janë transportuar për asistencë mjekësore, në spital dhe janë jashtë rrezikut për jetën.
Grupi hetimor vijon punën për përcaktimin e shkaqeve të aksidentit, si edhe kryerjen e veprimeve të mëtejshme procedurale.
