Lewis Hamilton do të largohet nga Mercedes për t’u bashkuar me Ferrarin. Ky është lajmi i bujshëm që ka marrë dhenë në Formula 1. Një lëvizje shokuese e 7 herë kampionit të botës që do të largohet kështu nga skuderia gjermane pas 14 vitesh.
Tashmë ka ardhur edhe zyrtarizimi nga vetë Ferrari, ku me anë të një postimi në faqen zyrtare, shkruan:
“Scuderia Ferrari ka kënaqësinë të njoftojë se Lewis Hamilton do t’i bashkohet ekipit në vitin 2025, me një kontratë shumëvjeçare”.
Në fakt, është e ditur prej kohësh që britaniku ka një simpati të veçantë për ‘kokëkuqen’ dhe është përfolur më herët për një bashkim të mundshëm.
