Kanë dalë rezultatet e testit të gjuhës së huaj për Maturën Shtetërore.
Përmes një postimi në rrjetin social “Facebook” ministrja e Arsimit dhe Sportit Evis Kushi ka njoftuar të gjithë maturantët.
Postimi i Ministres Kushi:
Jam optimiste për rezultatet e para të maturantëve tanë në provimin e gjuhës së huaj të Maturës Shtetërore. Gëzohem që një pjesë e mirë e tyre kanë shkëlqyer me rezultate të larta. Kalueshmëria është 96% dhe me notën 10 janë vlerësuar rreth 24% e maturantëve.
Suksese të gjithëve edhe në provimet e radhës dhe ju bëj thirrje të gjithë nxënësve dhe mësuesve që të vijojmë të respektojmë rregulloren me korrektësi maksimale dhe të garantojmë së bashku një proces mature të qetë e me standarde!
