Ambasadori i Mbretërisë së Bashkuar në Tiranë, Alastair King-Smith, u shpreh se do të ketë lehtësira në lëshimin e vizave për shqiptarët që duan të shkojnë në Mbretërinë e Bashkuar, por si çdo gjë dhe ky format do ketë rregullat e veta që duhen t’i përmbahen.
Nga ana tjetër qeveria angleze ka dhënë fonde për vendet ku numri emigracionit ilegal është shumë i lartë, përfshirë këtu edhe Shqipërinë.
Fillimisht këto fondje janë shtrirë në qytetin e Kukësit Hasit dhe Tropojës.
“Në fakt është 8.4 milionë paund, për tre vite e gjysmë, por ne po mundohemi ta përforcojmë dhe ta zgjerojmë.: Për momentin është në bashkitë e Kukësit, Hasit dhe Tropojës. Aktualisht po përcaktohen cilat janë mundësitë atje. Ne e dimë se kjo zonë ka një potencial të jashtëzakonshëm turistik, por cilat janë mundësitë reale që mund të krijojnë punësim edhe për të rinjtë? Cilat janë mundësitë teknologjike? Ne i njohim të gjitha këto punë në sektorin e teknologjisë të cilat nuk ka pse të kryhen detyrimisht nga një vend i caktuar. Mund të bëhen nga kudo në botë. Pse të mos i bëjnë nga Kukësi, apo nga Dibra? Pikërisht. Por e dimë se kjo do të marrë kohë. Pra, ne duhet të gjejmë mënyra për të ndihmuar njerëzit tani. Pra, nëse po mendoni të lini shkollën këtë verë, ne duam që ju ta dini se do të keni mundësi këtu në Shqipëri ose zgjedhje për të shkuar në mënyrë ligjore në Mbretërinë e Bashkuar ose diku tjetër. Por mos shkoni ilegalisht. Pasi, edhe pse shihet si një rrugë e lehtë, ka histori vërtet të vështira nga njerëz që e kanë bërë këtë rrugë dhe e kanë kuptuar se kanë gabuar dhe tashmë janë kthyer në Shqipëri”, u shpreh ai për Top Channel.
