Trajneri i Romës Jose Murinho është në telashe të mëdha. Pas humbjes në finalen e Europa League ndaj Sevillas ai ka ofenduar gjyqtarin e ndeshjes Anthony Talor.
Në një deklaratë të hapur UEFA ka listuar një sërë akuzash ndaj Murinhos, ku dhe e ka kryqëzuar këtë të fundit.
Ndër të tjera UEFA thotë: “Të dy klubet u akuzuan për hedhjen e objekteve dhe ndezjen e fishekzjarrëve nga tifozëritë e tyre, plus sjellje të pahijshme të ekipit. Për më tepër, Sevilla u akuzua gjithashtu për pushtim të fushës së lojës, ndërsa Roma u akuzua për akte dëmtimi dhe shqetësime të turmës”.
Konkretisht, vetëm Mourinho u akuzua për “gjuhë fyese ndaj një zyrtari të ndeshjes”. Ai u kap nga kamera duke u abuzuar ndaj gjyqtarit Taylor në parkingun e makinave pas ndeshjes.
Kjo lloj sjelljeje, si dhe përmendjet e shumta të gjyqtarëve në intervista dhe në konferencën për shtyp, ndihmuan të krijohej një atmosferë që të nesërmen panë tifozët e Romës të sulmonin Taylorin dhe familjen e tij në aeroportin e Budapestit, duke i shtyrë, tundur dhe bërtitur me një tifoz madje duke hedhur një karrige. Sipas mediave italiane, dy tifozë janë arrestuar për ato trazira, njëri është liruar dhe tjetri mbetet në paraburgim.
