Me shumë se katër turistë të huaj kanë humbur jetën tek sa shëtisnin pa guida në vendet turistike të shqipërisë.
Policia e Gjirokastrës njoftoi një ditë më parë se një turiste gjermane humbi jetën dhe bashkëshorti i saj arriti të mbijetonte gjatë një eksplorimi në kanionin e Langaricës, në jug të Shqipërisë.
Sipas policisë “të dy turistët gjermanë 72 vjeç dhe 66 vjeç kanë qenë duke vizituar me këmbë kanionin e Langaricës dhe për shkak të prurjeve të mëdha të ujit, shtetasen gjermane e ka marrë rrjedha dhe për pasojë është mbytur, ndërsa bashkëshorti i saj ka mundur të dalë në breg.”
Por gjatë ditës së sotme Federata e Rafting Albania ka reaguar përmes një postimi në rrjetin social Facebook, ku ndër të tjera thotë se: Turistë pa veshjet dhe pajisjet e duhura profesionale si kostumet neoprene,jelek shpëtimi,skafandra dhe më e rëndësishmja pa guida profesionale të canyoning apo te eksplorimit të kanioneve te pajisur me mjete te sigurise si litare shpetimi,radio dhe veshje profesionale.
Ja postimi i plotë i Federatës:
Një tjetër lajm tragjik !
Mbytet turistja gjermane në kanionin e Langaricës, shpëton bashkëshorti i saj pasditen e djeshme.
Çifti gjerman eksploronte Kanionet e Langaricës dhe uji i vrullshëm nga diga i mer jeten bashkëshortes dhe fatmirësisht bashkeshorti shpeton.
Ky nuk eshte rasti i parë qe ne Langarice ka aksidente si kunder nje jave para me kanionet e Osumit dhe disa vite me pare ne kanionin e Holtes ku nje turiste shqiptare humb jeten ne 15 Korrik te 2019 :
“Gjëndje e jashtëzakonshme në kanionet e Shqipërisë!Turistë pa veshjet dhe pajisjet e duhura profesionale si kostumet neoprene,jelek shpëtimi,skafandra dhe më e rëndësishmja pa guida profesionale të canyoning apo te eksplorimit të kanioneve te pajisur me mjete te sigurise si litare shpetimi,radio dhe veshje profesionale.
Kanionet janë të rezikshme pasi janë zona të mbyllura ku uji i shirave e sidomos i digave (Kanioni i Langaricës dhe i Holtës kanë diga) krijojnë rrezikshmeri shume te larte ne keto zona.
Kanionet nuk eksplorohen pa guida profesionale të pajisura me mjetet e sigurise dhe pajisje profesionale për turistët, përfundon Federata”.
