Pas vendimit të minstres së arsimit rinisë dhe sporteve Evis Kushi për shkrirjen e Akademisë së Studimeve Albanologjike në kalim të Akademisë së Shkencave, ka reaguar dhe senati i ASA.
Përmes një letre të hapur Senati i Akademisë së Studimeve Albanologjike shkruajnë se ky është një vendim politik që godet shkencën e albanologjisë në Shqipëri.
Ja letra e plotë:
AKADEMIA E STUDIMEVE ALBANOLOGJIKE
DEKLARATË PËR SHTY
Tiranë, më 31 maj 2023
Senati i Akademisë së Studimeve Albanologjike i mbledhur urgjentisht pas deklaratës publike të ministres së Arsimit dhe Sportit, Evis Kushi, për miratimin e projektvendimit për mbylljen e veprimtarisë së Akademisë së Studimeve Albanologjike, shpall:
Është plotësisht kundër këtij vendimi të Këshillit të Ministrave;
Është një vendim politik që godet shkencën e albanologjisë në Shqipëri;
Është hartuar pa konsultime dhe pa transparencë.
Akademia e Studimeve Albanologjike do të vazhdojë misionin e saj për mbrojtjen e lirisë akademike duke përdorur të gjithë instrumentet ligjore të një shteti demokratik.
ASA u shpreh mirënjohjen qindra mijra qytetarëve, institucioneve kërkimore shkencore brenda dhe jashtë vendit, partnerëve tanë, aktivistëve dhe mediave që i dhanë jehonë këtij akti të paprecedent dhe të ndërmarrë në limitin e kohës.
