Përfaqësuesja e Shqipërisë për këtë vit në Eurovision Albina Kelmendi e cila sëbashku me familjen e saj e përfaqësuan denjësisht vendin, arriti të pozicionohej në vendin e 22 me këngën “Duje” një këngë që prekte një plagë të shoqërisë, atë të divorcit.
Pas kthimit nga Mbretëria e Bashkuar Albina ka folur rreth eksperiencës së saj në kompeticionin më të madh muzikor evropian, ku ka marrë dhe propozimin nga një tjetër shtet që ajo ta përfaqësojë në vitin e ardhshëm.
“Gjysmëfinalja ka qenë një emocion i papërshkrueshëm për ne, ndërsa na finale u mërzitëm dhe pati një zhgënjim nga ana jonë pasi pritëm të kishim pak më shumë mbështetje. U dëshpëruam shumë sepse nuk e pritëm atë vlerësim, që do të dilnim kështu dhe kur ka përfunduar finalja kam qarë dhe vetëm jam shfryrë”-tha Albina.
Ndër të tjera,artistja zbuloi se ka marrë disa oferta prej shteteve pjesëmarrëse në Eurovision,të cilët i kanë kërkuar te jetë përfaqësuese e shtetit të tyre.
“Nuk e di nëse duhet ta them ende apo jo, por Suedia më është ofruar që të jem përfaqësuesja e tyre vitin e ardhshëm, jemi në bisedime”– tha ndër të tjera Albina Kelmendi.
