Dëshira e skuadrës Al-Hilal për argjentinasin Leo Messi fillimisht ishte një aludim që ndodhi në mediat argjentinase. Por me sa duket nuk qenka thjeshtë aludim pasi sulmuesi argjentinas duket se i ka orërt e numëruara në Paris. Duket se gjithçka është e lidhur me qëndrimin e tij në Arabinë Saudite.
Sipas raportimeve të mediave botërore, skuadra e Al-Hilal tashmë ka përgatitur shifrën e çmendur prej 1.2 miliardë eurove për të marrë në skuadër Lionel Messin.
Shtatë herë fituesi i Topit të Artë ka arritur marrëveshje me Al-Hilal e cila pritet të konfirmohet në qershor. Messi do të garojë në të njëjtin kampionat me rivalin e tij të përjetshëm Cristiano Ronaldo (CR7).
Kalimi i sulmuesit argjentinas në Arbinë Saudite do të krijonte dhe kontratën më të kushtueshme të bërë ndonjëherë në futboll, ku mendohet se Messi do të përfitonte rreth 600 milionë euro në sezon. Në sezonin e fundit me PSG 35 vjeçari ka shënuar 21 gola dhe ka dhënë 20 asistime në total 41 ndeshje.
Në gjurmët e tij gjenden edhe klube të tjera Europiane dhe jo vetëm, gjithsesi shifrat që mbërrijnë nga Arabia janë të frikshme dhe vështirë se mund të refuzohen.
