Pas 30 vitesh, Matteo Messina Denaro ka rënë në pranga pasi është kapur në një klinikë private në Palermo duke u trajtuar nga kanceri. Denaro është një ndër personat më të rrezikshëm në botën e krimit dhe njihet si kreu i bandës së mafies italiane. Sipas dëshmisë së vetë drejtorit të klinikës private ai tentoi sërish të arratisej por kësaj here dështoi.
“Jam Matteo Messina Denaro”. Këto janë fjalët e para të kumbarit tw krkuar nw Itali, bosit tw fundit tw Casa Nostras, në momentin e arrestimit, kur u pyet si quhej.
Siç raportojnë mediat italiane, hetuesit ndiqnin prej disa muajsh pistën që rezultoi e suksesshme. Ndërsa efektivët e Repartit të Operacioneve Speciale ishin siguruar 3 ditë më parë se e kishin gjetur më në fund njeriun të cilin e kërkonin prej 30 vitesh.
Pas arrestimit, Denaro është transferuar në kazermën “San Lorenzo” të Karabinierisë në Palermo. Sipas burimeve për “Corriere della Sera”, Denaro shkonte vazhdimisht në klinikën private në kryeqytetin e Siçilisë për vizita.
Një natë më parë, godina ishte rrethuar me agjentë të cilët në orën 9 të mëngjesit kanë ekzekutuar edhe urdhrin e arrestit.
“Ishte në radhë për të bërë një tampon, si shumë pacientë të tjerë në klinikë. Askush nuk do ta kishte menduar kurrë që ai ishte Matteo Messina Denaro”, citohet të ketë deklaruar Stefania Filosto, drejtoresha e klinikës private ku ishte Denaro.
“Ishte infiltruar mes pacientëve me emër të rremë, tashmë i plakur dhe i sëmurë”.
