Ekipi i Erzenit tashmë është në kërkim të një trajneri të ri pasi Xhevahir Kapllani nuk do të jetë më në krye të tij. Ashtu siç u lajmërua mbrëmjen e djeshme, sot është klubi shijakas që ka bërë me dije mbylljen e bashkëpunimit mes palëve.
Përmes një potimi në faqen zyrtare të Facebook, skuadra ka bërë njoftimin se Kapllani nuk fo të jetë më në krye të skuadrës.
Shijakasit falënderojnë Kapllanin për kontributin e dhënë në krye të pankinës së Erzenit. Në njoftimin e bërë në kanalet zyrtare të komunikimit thuhej:
“KF Erzeni njofton se Xhevahir Kapllani nuk do jetë më trajneri i ekipit. Klubi e falënderon për punën e bërë dhe i uron suksese në karrierë”. Aktualisht Erzeni gjendet në vendin e 8-të të Superiores me 39 pikë, 3 më shumë se Bylis i vendit të 9-të.
