Këngëtarja Loreen e cila përfaqësonte Suedinë ka fituar për herë të dytë në Eurovision Song Contest , duke fituar një triumf historik në një shfaqje ekstravagante dhe të këndshme për publikun. Ky kompeticion i mbajtur në Liverpool në Mbretërinë e Bashkuar, u zhvillua për shkak të luftës së Ukrainës.
Loreen kishte fituar më parë konkursin në Baku në vitin 2012, me hitin e saj që ndryshoi karrierën “Euphoria”. Fitorja e saj e fundit erdhi 50 vjet pasi ABBA fitoi me “Waterloo”.
Shfaqja u mbajt në Britani për herë të parë në më shumë se dy dekada, pasi vendi i cili doli i dyti vitin e kaluar ofroi mikëpritjen në emër të fituesve të vitit 2022, Ukrainës. Nderimet e pritjes do t’i shkojnë Suedisë fituese vitin e ardhshëm.
Mbretëria e Bashkuar organizoi një shfaqje emocionuese që u bëri homazhe shtetasve ukrainas të zhvendosur nga lufta dhe festoi muzikën e të dy vendeve. Kjo ishte një kërkesë e presidentit Volodymyr Zelensky.
Dyshja elektronike e Ukrainës Tvorchi arriti në vënd të gjashtë, ndërsa Britania u rikthye në pozicionin e saj tradicional drejt fundit të tabelës së liderëve, duke u renditur në vendin e 25-të – vendi i parafundit.
Pas përfundimit të kompeticionit Loreen ka thënë:
“Para ‘Euforisë’, unë isha një artiste në vështirësi duke u përpjekur të gjeja rrugën time,” tha ajo. “Komuniteti i Eurovisionit është si shtëpi për mua”, shtoi këngëtarja.
Ajo është gruaja e parë që fiton dy herë konkursin; vetëm Johnny Logan i Irlandës e ka bërë këtë më parë.
Ndërsa Shqipëria u rendit në vendin e 22-të.
