Deputeti që do të helenizonte Himarën Fredi Beleri, i koalicionit ‘Bashkë Fitojmë’ do të qëndrojë në burg.
Ky është vendimi që dha Gjykata e Vlorës pak më parë.
Gjykata shpalli moskompetencën për gjykimin e çështjes. Sipas kompetencës së parashikuar në ndryshimet e reja të kodit të procedurës penale në vendin tonë, hetimin e mëtejshëm ndaj kandidatit të koalicionit opozitar në Himarë, Fredi Beleri do ta zhvillojë SPAK, që ka autorizimin për hetimin e krimeve zgjedhore.
E ndërsa Gjykata është blinduar nga forca të shumta policie, në ambientet e saj ka qenë edhe ambasadorja greke në Tiranë, Konstantina Kamitsi.
Vetë kandidati për bashkinë e Himarës ka kërkuar një masë të butë sigurie për shkak të gjendjes shëndetësore, pasi sipas tij vuan nga diabeti.
Fredi Beleri akuzohet për shit-blerjet votash, për zgjedhjet lokale që do të mbahen nesër. Ai është arrestuar pak pas mesnate të premten, para lokalit të tij bashkë me një person tjetër.
Forca të shumta policie morën pjesë në prangosjen e tij, që u bë me urdhër të SPAK. Vetë Beleri dhe të tjerët, kanë mohuar që të jenë përfshirë në shkelje të tilla.
Burime nga policia bëjnë me dije se hetimet nisën 4 ditë më parë pas informacioneve se disa persona iu ofronin qytetarëve të ndryshëm, shuma të caktuara parash kundrejt dhënies së votës për një nga kandidatët konkurrues.
Bashkë me Belerin, pas hekurave ka përfunduar dhe Pandeli Kokaveshi, 44 vjeç, për veprën penale “Korrupsion aktiv në zgjedhje”, kryer në bashkëpunim.
E ndërsa Gjykata dha masën për Belerin, Greqia vijon të turfullojë për arrestimin e tij.
Ministria e Jashtme greke ka reaguar në faqen e saj zyrtare në internet, ku e cilëson skandaloz arrestimin dhe mbajtjen në burg të tij. Madje ajo kërcënon se ky akt do të ndikojë në raportet mes dy vendeve.
“Vendimi i sotëm i gjykatës së Vlorës është skandaloz. Arrestimi i një kandidati për Kryetar Bashkie dy ditë para zgjedhjeve nuk përbën shtet ligjor. Vendimi për ndalimin e kandidatit për Kryetar Bashkie sjell një ndryshim të plotë të rregullave të barazisë në zgjedhjet bashkiake në Himarë, qendra më e rëndësishme e pakicës kombëtare greke në Shqipëri.
Një vendim i tillë do të ndikojë edhe në marrëdhëniet e Bashkimit Europian me Shqipërinë, pasi kusht i kësaj rruge europiane është respektimi i rregullave europiane dhe parimeve të shtetit të së drejtës nga vendet kandidate. Vendime si ky i sotmi që shkelin parimet e mësipërme do të thotë se në praktikë Shqipëria nuk po ndjek rrugën europiane”, njofton ministria greke.
Fredi Beleri u arrestua një ditë më parë gjatë një tentative për blerje votash. Sot doli para Gjykatës së Vlorës, e cila e la në burg, ndërsa dosja kaloi në SPAK, institucion që merret me krimet zgjedhore.
Vetë Beleri ka kërkuar një masë të butë sigurie për shkak të gjendjes shëndetësore, pasi sipas tij vuan nga diabeti.
Sipas policisë, hetimet nisën 4 ditë më parë pas informacioneve se disa persona iu ofronin qytetarëve të ndryshëm, shuma të caktuara parash kundrejt dhënies së votës për një nga kandidatët konkurrues.
Bashkë me Belerin, pas hekurave ka përfunduar dhe Pandeli Kokaveshi, 44 vjeç, për veprën penale “Korrupsion aktiv në zgjedhje”, kryer në bashkëpunim.
