Ndërmjetësi evropian Miroslav Lajçak pas një vizite në Kosovë pritet të vizitojë Serbinë në përpjekje për të shtyrë përpara zbatimin e marrëveshjes për normalizimin e marrëdhënieve.
Në kuadër të përpjekjeve për të shtyrë përpara zbatimin e marrëveshjes për normalizimin e marrëdhënieve Kosovë-Serbi, ndërmjetësi evropian Miroslav Lajçak pritet të vizitojë Serbinë.
Gjatë qëndrimit në Kosovë ai tha se për BE-në çdo prpopozim për të drejtat e pakicave duhet të jetë në përputhje me modelet ekzistuese evropiane.
Për Bashkimin Evropian është e pranueshme, ajo që bazohet në normat dhe vlerat evropiane edhe këtë e kemi thënë që nga fillimi.
” Ne mund të kemi ose normalizim, ose konflikt. Sigurisht se ne duam të fokusohemi plotësisht në normalizim, prandaj duam të shmangim çfarëdo përshkallëzimi, nuk është në interesin e askujt”, tha Lajçak, pas takimit me kryeministrin e Kosovës.
Sipas tij ështëe rëndësishme që palët “i kanë kuptuar qartë sekuencat e hapave”.
Vizita në Kosovë e Serbi e ndërmjetësit evropian Mirosllav Lajçak, është e para pas takimit Kurti-Vuçiq në Bruksel ku nga një grup menaxhues që e përbënin katër serb, u prezantua edhe njk draft-statut për Asociacionin e që Prishtina zyrtare e refuzoi në mënyrë kategorike.
Draft- statuti i këtij Asociacioni nga zyrtarët evropianë u cilësua “një pikënisje e rëndësishme për diskutimet e ardhshme”.
