Djemtë e detit arritën të mposhtin Tiranën 2-1 vetëm pak ditë më parë, duke hapur llogaritë e titullit kampion. Megjithatë durrsakët nuk kanë mundur të bëjnë dot realitet mrekullinë e shumëkërkuar në Kupën e Shqipërisë.
Në ndeshjen e parë bardheblutë fituan 3-0 dhe duket se atje mbyllën të gjithë historinë e gjysmëfinales.
Këtë herë ndeshja u mbyll në barazimin 0-0, me Tiranën që shkon për herë të 27 në finalen e Kupës së Shqipërisë, atje ku do të gjejë Egnatian.
Trajneri i skuadrës së Teutës Edi Martini është shprehur se:
“Ndeshja e parë vendosi gjithçka. Kur luan kundër Tiranës është e vështirë të kthesh rezultatin 3-0. Ngarkesa fizike ka qenë e madhe, gjithashtu edhe ana psikologjike.
Më tepër do të ndikoj te Tirana përballja direkte me ne pasi humbi në kampionat dhe i pret një ndeshje e vështirë pastaj.
Te ne ka atmosferë pozitive, mund të arrijmë në Europë. Ndoshta për ne do të ishte më mirë të barazonim në kampionat dhe të fitonim këtu për të kaluar më tej. Kemi shpresa që do të kapim vendin e katërt. I uroj Tiranës që të fitojë Kupën”- ka thënë Martini.
