Një tërmet 4.7 ballë ka lëkundur mbrëmjen e djeshme Klosin, duke panikosur qytetarët.
Dridhje toke janë ndjerë dhe në shumë qytete të tjera të Shqipërisë, si në Dibër, Tiranë, Krujë, etj.
Epiqendra e tërmetit është rregjisturar në Klos, aty ku janë dhe dëmet më të mëdha.
Keu i bashkisë, Ilmi Hoxha, bën me dije se janë marr 22 kërkesa për verifikim më nga afër të banesave.
“Deri më tani situata është e qetë, ndërsa grupet e emergjencës ndodhen në terren. Situata në tërësi nuk ka problematika të mëdha. Kryesisht janë rënie sovaje, oxhaqesh dhe plasaritje muresh”, u shpreh ai.
Gjithashtu, lidhur me rastin e një familje e cila është rikthyer në banesën e dëmtuar nga tërmeti i 2019 dhe të shpallur të pabanueshme, ai u shpreh se familjet që kanë pasur dëme nga lëkundjet e këtij viti janë kompensuar me para ose me bonus qiraje.
“Jam në dijeni të problematikës që ka ndodhur me tërmetin e 2019, sikurse parashikohet në aktet ligjore, nga strukturat e bashkisë janë bërë të gjitha dokumentacionet sa i përket familjeve që kanë pasur problematikë me tërmetin. Familjarët e bashkisë Klos kanë tërhequr në numrin e llogarisë së tyre të gjithë vlerën e shkaktuar nga këto tërmete. Në ato banesa nuk duhet të jetonin dhe janë trajtuar me bonus qiraje. Vendosja e çadrave është bërë në kohën e emergjencës, në momentin kur ka ndodhur problematika.
Nëse janë kthyer në banesat që janë shpallur të pabanueshme, kanë marrë përsipër përgjegjësinë, por kjo nuk do të thotë që nuk duhen asistuar nga ne”, tha Hoxha.
