Moderatorja Kiara Tito u bë pjesë e Big Brother Vip Albania 2 që në 24 dhjetor të vitit 2022, ditë nga e cila jeta e saj si dhe shumë banorëve do të merte një rrjedhë totalisht të pa imagjinueshme.
E pyetur më parë nëse do të bëhej pjesë e këtij formati, Tito përgjigjej menjëherë Jo!
Por me sa duket jo vetëm që u bë pjesë e këtij formati por edhe gjeti njeriun e zemrës, këngëtarin më të dashur për publikun Luiz Ejlli.
E ftuar në një emission televiziv Kiara Tito që në mbrëmje do të celebrohet si Kiara Ejlli, ka folur për planet përtej martesës.
“Nesër do të jetë ceremonia. Do të vulosim martesën tonë, pastaj do të bëjmë një dasmë të madhe ku do të ftojmë të gjithë.
Ai është në dijeni për ceremoninë. Ka qenë një kërkesë jona që para se të dilja nga shtëpia”.
“Nuk e kisha menduar kurrë që do të hyja në ‘Big Brother’, aq më tepër që do të gjeja dashurinë e jetës.
Gjëja që mendoj çdo ditë tani është që më ka hipur një dashuri të madhe për të krijuar familje dhe mezi po pres të bëhem nënë.
Është gjëja që e kam kryesore. Shoh video me beba në ‘Instagram’, – është shprehur ndër të tjera moderatorja”.
