Është ndarë nga jeta në moshën 46-vjeçare Jock Zonfrillo, kuzhinieri i vlerësuar me shumë çmime dhe mikpritës i MasterChef Australia.
Kuzhinieri skocez kishte punuar me shumë kuzhinierë me famë botërore në restorante të famshme përpara se të hapte të tijën në Australi dhe ishte një nga tre gjyqtarët në MasterChef Australia nga viti 2019. Njoftimi për vdekjen e tij u konfirmua nga Channel 10 televizioni ku do të transmetohej premiera e sezonit 2023 të MasterChef.
Zonfrillo ishte i martuar me katër fëmijë, të cilët në një deklaratë familjare thanë se zemrat e tyre ishin “copëtuar” nga pikëllimi.’ Shefi i kuzhinës u gjet i vdekur në orët e para të së hënës në një shtëpi në Melburn ndërsa policia u thirr për të kryer një kontroll. Sipas një deklarate nga Policia e Victoria, vdekja e Zonfrillo nuk po trajtohet si e dyshimtë.
MasterChef Australia ka njoftuar se sezoni i ri do të shtyhet pasi Jock Zonfrillo ishte një nga gjyqtarët e emisionit. Channel 10 nderoi shefin e kuzhinës, duke e përshkruar karizmën, pasionin dhe sensin e çuditshëm të humorit të tij si një frymëzim për një komb të tërë kuzhinierësh.
