Një avokate është marrë “peng” në zyrën e saj për disa orë nga shtetasi me iniciale N. Ç., banues në Korçë.
Shtetasi ka tmerruar avokaten me armë sportive brenda zyrës së saj ligjore dhe e ka mbajtur peng për disa orë. Sipas raportimeve të policisë dyshohet se shtetasi kishte probleme çështjen e pronësisë dhe avokatja ishte përfaqësuese e çështjes gjyqësore.
“Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin N. Ç., banues në Korçë, pasi dyshohet se ka kanosur me një armë sportive (pistoletë pneumatike) dhe i ka hequr lirinë në zyrën e saj, një avokateje, të cilën ky shtetas e kishte përfaqësuesen e tij ligjore në disa procese gjyqësore të zhvilluara për çështje pronësie”.
Arsyet konkrete nuk dihen por hetimet vazhdojnë për zbardhjen e plotë të ngjarjes, ndërkohë shtetasi korçar po hetohet në gjendje të lirë.
