Ka arritur në 50.000 numri i punëtorëve që emigrojnë nga Ballkani Perëndimor në shtetin gjerman.
Berlini ka lejuar më parë 25.000 njerëz nga Ballkani Perëndimor të emigrojnë në Gjermani në vit, kështu që kjo shifër do të dyfishohet në të ardhmen.
Mediat vendase raportojnë se Ministria gjermane e Punës do të zgjasë sot të ashtuquajturin rregull në Ballkanin Perëndimor me një vit.
Deputetët në Bundestag do të diskutojnë sot propozimin për një ligj të ri për emigracionin që do të rregullonte më mirë fluksin e fuqisë punëtore. Rregulli për Ballkanin Perëndimor nuk është pjesë e ligjit të ri të emigracionit, por është pjesë e një dispozite që po diskutohet paralelisht në radhët e qeverisë gjermane.
Disa anëtarë të qeverisë janë kundër një rregulloreje të veçantë për Ballkanin Perëndimor që do të zbatohej jashtë ligjit të ri të imigracionit, njëri prej tyre është politikani i Partisë së Gjelbër, përgjegjës për politikën e brendshme, Misbah Khan.
“Qëllimi ynë duhet të jetë ta bëjmë Gjermaninë tërheqëse për emigrantët në atë masë që rregullat si ky në Ballkanin Perëndimor të bëhen të tepërta”, tha Kahn.
