Mesditën e sotme një djalë i ri ka rënë në prangat e policisë së Durrësit. Sipas raportimit të policisë gjatë kontrollit në automjetin e tij iu gjetën një thikë dhe një karikator plastik.
Gjithashtu policia ka arrestuar edhe një 47-vjeçar, ku sipas raportimeve dyshohet për ngacmim seksual ndaj një 17-vjeçareje.
Specialistët për Hetimin e Krimeve të Komisariatit të Policisë Durrës kapën në flagrancë shtetasin I. S., 29 vjeç, banues në Laç, pasi gjatë kontrollit të ushtruar nga shërbimet e Policisë, në automjetin që ky shtetas drejtonte, iu gjet një mjet prerës (thikë) dhe një karikator plastik, të cilat u sekuestruan në cilësinë e provës materiale dhe ku më pas u arrestua.
Specialistët për Hetimin e Krimeve të Komisariatit të Policisë Shijak arrestuan në flagrancë shtetasin G. A., 47 vjeç, banues në Xhavzotaj, Shijak, pasi ka kallëzuar një 17-vjeçare se ky shtetas e ka ngacmuar seksualisht. Vijojnë veprimet hetimore për verifikimin e këtij kallëzimi.
Kapja e të dy shtetasve ishte në flagrancë dhe ku më pas policia raportoi arrestimin e tyre dhe grupi hetimor vazhdon hetimet e mëtejshme.
