Policia Shqiptare ka ndërmarr një aksion operacioni me Guarda di Financa, pasi janë sekuestruar 62 mije litra naftë si dhe 2 mjete lundruese peshkarexha.
Në konferencën dy palëshe bëhet me dije se në pranga kanë rënë 13 persona, 10 shtetas të huaj dhe shtetasit shqiptar.
Shqiptarët e arrestuar janë Elton Qevani, pronar i anijes, Klajdi Kapexhiu kapiten dhe Selim Gaba e Muhamed Rada pjesë ekuipazhit.
Ndërsa 10 të huajt janë: Muhamed Fethi, pronar i anijes libaneze nga ku i furnizua anija shqiptare, Ahmed Zantaëi, Ahmet Abdurrabu, Said Nëegi, Muhamed Mahmut, Eshref Kahlife, Islam Ashkar, Ali Hadad, dhe Adil Badawi.
Në pamje shihet monitorimi që i ka barë policia dy anijeve me helikopter dhe më pas ekzekutimi duke i bllokuar në det të hapur.
Deklarata e Policisë së Shtetit:
Vijojnë operacionet e përbashkëta me partnerët, nga toka, ajri dhe deti, me qëllim parandalimin dhe goditjen e krimeve ndërkufitare, trafiqeve të paligjshme dhe kontrabandës.
Finalizohet operacioni policor i koduar “Geni”, i zhvilluar nga Policia e Shtetit, në bashkëpunim me GDF-në dhe rojën bregdetare.
Goditet një tjetër rast i tentativës për futjen kontrabandë të naftës në vendin tonë, nëpërmjet mjeteve lundruese.
Sekuestrohen rreth 62.000 litra naftë kontrabandë, të ardhura nga Libia, si dhe 2 mjete lundruese peshkarexha.
Vihen në pranga 13 shtetas, 10 prej tyre shtetas të huaj.
Drejtori i Departamentit për Kufirin dhe Migracionin Drejtues i Lartë Saimir Boshnjaku, së bashku me Drejtorin për Hetimin e Krimeve Ekonomike dhe Financiare në Drejtorinë e Përgjithshme të Policisë së Shtetit Gentian Ndoi, Kapiten Pascale Paolo dhe Lougotenente Prosdocimo Marco të Nuklit Detar të GDF-së në Durrës, si dhe përfaqësuesin e zyrës së Interforcës Italiane në Shqipëri Ferdinando Rucco, në konferencë për shtyp për finalizimin e një tjetër operacioni të përbashkët me qëllim goditjen e një rasti të tentativës për futjen kontrabandë në vendin tonë, të një sasie të madhe karburanti.
