Shqipëria njihet si një shtet i vogël për sa i përket sipërfaqes së tij në metra katrorë. Por kur bëhet fjalë për bare e kafene ato i gjen në çdo cep lagjeje thënë në zhargonin e përditshëm “ çdo pesë metra “. Shqipëria numëron 518 bare përçdo 100 mijë banorë, duke thyer rekord jo vetëm në Europë, por edhe në botë.
E kështu lë pas shumë vende të Ballkanit Perëndimor. Numri i bareve në Bashkimin Europian në vitin 2017 nuk ishte më i lartë se 115 bare për çdo 100 mijë banorë.
Në top 5 vendet me numrin më të lartë pas Portugalisë, është Spanja me 392 bare për 100 mijë banorë, Greqia me 343, Kroacia me 240 dhe Italia me 211.
Vendet me numrin më të lartë të bare e kafeneve janë vendet që ekonomia e tyre ka një lidhje të ngushtë me turizmin.
E ndërsa numrin më të ulët ndër vendet e Bashkimit Europian dhe vendeve kandidate që priten të antarësohen e ka shënuar Serbia vetëm 9 bare për 100 mijë banorë
Edhe në vendet e Europës Veriore numri i bareve në raport me popullsinë është relativisht i ulët.
“ Po ja kalojmë dhe vendeve më të avancuara “
Krahasuar edhe me disa prej destinacioneve më popullore në botë, Shqipëria sërish ruan epërsinë për numrin e kafeve.
Krahasuar edhe me disa prej vendeve më të vizituara në botë, sërisht Shqipëria “ thyen rekord “ për numrin e kafeneve.
Shtohen baret si kërpudhat pas shiut, mbyllen restorantet
Ndonëse kafenetë vazhdojnë të mbeten një biznes tejet i frekuentuar nga të gjitha grupmoshat, nuk po ndodh e njëjta gjë me restorantet, ku çmimet në shërbimin e këtij sektori rëndojnë xhepat e qytetarëve.
