Si pasojë e një defekti me energjinë elektrike kanë mbetur të ngujuar në miniera për më shumë se 15 orë rreth 40 minatorë të Trepçës.
Kryetari i Sindikatës së Punëtorëve të Trepçës, Ibrahim Jonuzi thotë se kjo ka ndodhur për shkak të një defekti me energji elektrike.
“Për shkak të një defekti me energji elektrike, kanë mbetur të ngujuar për më shumë se 15 orë rreth 40 minatorë në kombinatin Trepça”, tha Jonuzi.
Sipas tij, pritet që këta minatorë të dalin shumë shpejtë nga këto hapësira.
“Po besoj shumë shpejtë kanë për të dalë nga këto hapësira”, përfundoi ai.
