Një 34-vjeçar ka rënë në prangat e policisë së Sarandës pasi është kapur duke qarkulluar me armë zjarri.
Shtetasi Ardit Buqi, u ndalua nga policia në fshatin Gjashtë, dhe në automjetin e tij u gjet një armë zjarri Pushkë.
Po ashtu proceduar penalisht pasagjeri me iniciale F.GJ, për moskallëzim krimi.
Burime bëjnë me dije se autori ka precedentë të mëparshëm në fushën e falsifikimit të dokumentave.
Njoftimi i policisë:
Sarandë/Kontrolle të shtuara për evidentimin dhe goditjen e veprimtarive kriminale.
Goditet një rast i armëmbajtjes pa leje.
Qarkullonte me armë zjarri, në automjet, arrestohet në flagrancë drejtuesi i automjetit.
Procedohet penalisht pasagjeri, për moskallëzim krimi.
Shërbimet e Komisariatit të Policisë Sarandë, në vijim të kontrolleve të shtuara për evidentimin dhe goditjen e veprimtarive kriminale në të gjitha fushat, bazuar dhe në informacionet e siguruara nga inteligjenca informative, për një shtetas që qarkullonte me armë zjarri në automjet, kanë organizuar punën për lokalizimin e automjetit dhe ndalimin e drejtuesit.
Në rrugën e fshatit Gjashtë, shërbimet e Policisë kanë ndaluar automjetin e dyshuar, me drejtues shtetasin A. B. dhe pasagjer shtetasin F. Gj.
Gjatë kontrollit në automjet është gjetur një armë zjarri pushkë, e cila u sekuestrua në cilësinë e provës materiale.
Në përfundim të veprimeve u arrestua në flagrancë drejtuesi i automjetit, shtetasi A. B., 34 vjeç, banues në fshatin Gjashtë, për veprën penale “Mbajtja pa leje dhe prodhimi i armëve, armëve shpërthyese dhe i municionit”, si dhe nisi procedimi në gjendje të lirë për shtetasin F. Gj., 34 vjeç, banues në fshatin Gjashtë, për veprën penale “Moskallëzimi i krimit”.
Materialet i kaluan Prokurorisë, për veprime të mëtejshme.
