Pas një sër debatesh në shtëpinë më të komentuar në vend, Vëllai i Madh ka menduar pak për vajzat e shtëpisë duke i organizuar një “ Pyjama Party “ e duke shuar kështu inatet e bërë bashkë dhe “ rivalet “ në lojë.
Debatet, hatërmbetjet, keqkuptimet e zënkat u harruan totalisht gjatë gjithë mbrëmjes.
Pasi dolën nga dhoma e “Pyjama Party”, vajzat nisën të kërcenin edhe në shtëpi.
Argëtimi nisi fillimisht te dhoma e garderobës me valle, e më pas ato u zhvendosën në verandë aty ku ishin djemtë.
Të përqafuara me njëra-tjetrën, vajzat kënduan këngën e Luizit “Me ty”, të cilën ai ia ka dedikuar Kiarës.
Teksa vajzat këndonin, sytë e Luizit ishin te Kiara. Kjo e fundit pas performancës, i dha atij një puthje në buzë.
