Shumica e të rinjve po largohen jashtë trojeve Shqipëtare, duke braktisur edhe prindërit. E tashmë në Shqipëri mbeten personat e moshës së mesme dhe ata të moshës së tretë.
Në vendin tonë ndikon shumë kjo, pasi nga aplikacionet dixhitale kanë shumë të vështirë të ambientohen prindërit tanë. Shumica e të moshuarve i drejtohen personave që dinë ta përdorin. Theksojmë qendrat e internetit dhe kancelaritë, pasi për ta është zgjidhja më e lehtë, e ku dashje pa dashje mund të lënë të dhënat e tyre.
Patjetër që në çdo vend të botës mund të ndodhin sulmet kibernetike. Por i menaxhojnë mirë ato dhe ka persona që punojnë për sigurinë.
Në Shqipëri çdo ditë e më tepër bëhet më e rrezikshme pavarësisht masave që mund të marrë shteti. Të rinjtë janë ata që kujdesen më së miri dhe që çdo ditë po përdorin teknologjinë e i ruhen gabimeve.
Me zhvillimin e teknologjisë sulmet kibernetike janë të prirur më shpesh për të ndodhur.
Duhet të pasur shumë kujdes ajo që ne klikojmë, përshembull linqet e ndryshme duhet ti shmangim, përveç atyre që janë të liçensuar.
Ti mbani të fikura aplikacionet në momentin që nuk i përdorni dhe të shmangni tekstet dhe emailet dyshuese.
Shpeshherë ne bëjmë blerje online dhe ka raste ku në Shqipëri ka ndodhur të përfitohet nga kjo. Ndodhin vjedhjet pa e kuptuar, pa pasur asnjë njoftim gjatë përdorimit të tyre.
Të jemi më vigjilentë dhe të mësojmë prindërit tanë të jenë shumë të kujdesshëm.
