Në disa KZAZ ka përfunduar numërimi i votimit e ndërsa në disa të tjera vijon ende. Deri në orën 10:00 të kësaj të hëne, ka përfunduar procesi i numërimit në 24 bashki të vendit, ndërsa vijon në 37 të tjera.
Partia Socialiste pas fitores së mbrëmshme në Elbasan, Vorë e kamzë, ka fituar edhe në Pustec, Kolonjë, Librazhd, Dropull, Tropojë, Roskovec, Libohovë, Rrogozhinë, Këlcyrë, Gramsh, Belsh, Përmet, Delvinë, Selenicë, Tepelenë, Peqin, Poliçan.
Ndërsa koalicioni “Bashkë Fitojmë” në tre bashki Pukë, Has, Memaliaj. Ndërsa qytetarët e Himarës, i kanë besuar kandidatit të arrestuar nga koalicioni “Bashkë Fitojmë”, Fredi Beleri i cili fitoi ndaj rivalit socialist, Jorgo Goro me rezultat të ngushtë.
Është mbyllur votimi edhe në Delvinë ku fituan sërish socialistët me në krye Besmir Veliu prej 62% të votave.
