Deputeti i PD, Dashnor Sula ka reaguar në lidhje me vrasjet e 24 orëve të fundit në vendin tonë. Me anë të një postimi në Facebook, deputeti demokrat thotë se institucionet shqiptare janë në ditët më të errëta.
Sipas tij, aq keq është situata në Shqipëri sa ka rënë besimi se se institucionet ligjzbatuese mund të bëjnë drejtësi.
Sula thotë se këto ngjarje që tronditën dje opinionin publik ‘ndodhën në ditën kur në Tiranë protestohej për vrasjen e një qytetari të pafajshëm nga një eksponent me lidhje të larta me Partinë Socialiste në Pogradec dhe që akuzat janë të shumta për manipulim të provave dhe zbutje të akuzave’.
”Peshku qelbet nga koka”, shkruan Sula, duke shtuar se “kur pushtetarët e niveleve më të larta nuk kanë respekt për ligjin dhe institucionet ligjzbatuese, ata janë modeli më i keq që reflektohen te shoqëria”.
