Banorët dhe turistët janë tepër të shqetësuar nga kjo situatë pasi era e rëndë është e papërballueshme dhe tepër e rrezikshme për shëndetin e tyre.
Duke qenë se kryebashkiaku Ermal Dredha nuk e ka ndërmend të marrë përgjegjësitë që i takojnë, qytetarët do të dalin sot në protestë.
Në orën 20:00 ata kanë vendosur të protestojnë para bashkisë për të kërkuar masa të menjëhershme për zgjidhjen e kësaj situate katastrofike.
Qytetarët nuk pranojnë të jetojnë në një qytet gri e të ndotur, i cili ngjason me vendet në luftë.
Përveç problemeve shëndetësore që po shkakton kjo ndotje, qytetarët duan që ky tmerr të marrë fund sa më parë, pasi turistët po anulojnë rezervimet e tyre dhe qyteti po boshatiset.
