Sekretari i Përgjithshëm i Partisë së Lirisë, Tedi Blushi përmes një postimi në rrjetin e tij social Facebook ka denoncuar plehrat që kanë zaptuar kryeqytetitn, edhe pse për grumbullimin dhe trajtimin e tyre të paktën 100 mijë euro paguhen çdo ditë për inceneratorin e Tiranës që nuk ekziston.
‘Plehrat dhe ujërat e zeza po përmbytin lagjet pranë “Bulevardit të Ri”, por Erion Veliaj e shpall Tiranën, qytetin më të pastër në rajon. Me 350 milion euro buxhet vjetor, të mjaftueshëm për të shtruar edhe rrugët e Parisit, Bashkia e Tiranës jo vetëm nuk u pastron mbetjet, por as u asfalton rrugën’, shkruan Blushi në Facebook.
Ja postimi i plotë i Blushit
Plehrat dhe ujërat e zeza po përmbytin lagjet pranë “Bulevardit të Ri”, por Erion Veliaj e shpall Tiranën, qytetin më të pastër në rajon.
Për grumbullimin dhe trajtimin e tyre të paktën 100 mijë euro paguhen çdo ditë për inceneratorin e Tiranës që nuk ekziston, ndërkohë në rrugën “Sotir Polena” në Njësinë Nr.9, mbetjet urbane nga kodra po bëhen mal.
Banorët në këtë lagje i paguajnë rregullisht taksat, por prej tetë vitesh ata ndihen të braktisur dhe të vjedhur.
Me 350 milion euro buxhet vjetor, të mjaftueshëm për të shtruar edhe rrugët e Parisit, Bashkia e Tiranës jo vetëm nuk u pastron mbetjet, por as u asfalton rrugën.
Më 14 Maj është dita për të ndëshkuar me votë!
