Ministri i Jashtëm, Igli Hasani ka dhënë një lajm të mirë për të gjithë shqiptarët që duan të udhëtojnë drejt Tajlandës.
Ai është shprehur se Shqipëria ka arritur që falë marrëveshjes të heqë vizat me Tajlandën. Tanimë, shqiptarë mund të udhëtojnë pa viza në 99 shtete.
Ndër të tjera, Hasani shkruan se MEPJ do të vazhdojë punën për forcimin e pasaportës shqiptare kudo në botë.
“Qytetarët shqiptarë mund të udhëtojnë pa viza në 99 shtete, kjo falë bisedimeve të pandërprera dhe nënshkrimit të marrëveshjeve me disa shtete, së fundmi edhe me Tajlandën.
Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare. MEPJ do të vazhdojë punën për forcimin e pasaportës shqiptare kudo në botë”, shkruan Hasani.
