SPAK ka njoftuar Jamarbër Malltezin për ta pyetur nesër, të mërkurën në cilësinë e personit nën hetim. Ndërkohë Berishës i është dërguar njoftim për të enjten për t’u pyetur lidhur me dosjen e privatizimit të ish-kompleksit Partizani.
Berisha dhe Malltezi janë vënë nën masën e “Arrestit në shtëpi” nga Prokuroria e Posaçme. Gjatë kohës si kryeministër, Berisha dyshohet se ka favorizuar Malltezin në përftimin e një pjese të pronës tek ish-klubi Partizani përmes VKM-ve.
Fillimisht për Berishën u caktua masa me detyrim paraqitje, gjë të cilën kreu i Rithemelimit refuzoi ta bënte. Më pas prokurorët Arben Kraja dhe Enkeleda Millonai vendosën ashpërsimin e masës ndaj tij e cila u miratua nga GJKKO. Ndërsa Malltezi u vu fillimisht në masën e “Arrestit në burg”, që më pas prej ankimimit të bërë prej tij u ndryshua në masën e “Arrestit në shtëpi”.
