Do të zhvillohet gjatë ditës së sotme seanca në Gjykatën e Posaçme të Apelit në Tiranë, për kryetarin e bashkisë së Himarës Fredi Beleri.
Beleri u arrestua dy ditë përpara zgjedhjeve të 14 majit. Avokati i kryetarit që premtoi se do të Helenizonte Himarën ka kërkuar ndryshim në masën e marrë ndaj tij. Ai kërkon që nga “arrest me burg”, të lirohet nga burgu për arsye se është i pa fajshëm. Vendimi për arrest me burg është dhënë nga Gjykata Antikorrupsion me kërkesë të SPAK.
Hetimi ndaj Fredi Belerit u krye mbas një referimi të policisë në datën 8 maj që angazhoi prokurorinë mbi dyshimet e shitblerjes së votës.
GJKKO dha vendimin “Arrest me burg” për kryebashkiakun e zgjedhur të Himarës, Fredi Beleri dhe bashkëpunëtorin e tij, Pandeli Kokaveshi. Arrestimi i tij është bërë dy ditë para zgjedhjeve të 14 majit, pasi akuzohet për shitblerje votash.
Kjo ngjarje solli reagime edhe nga pala greke, e cila ka bërë shpesh thirrje për lirimin e Belerit.
Gjithashtu apelimin e ka kryer jo vetëm Beleri por edhe truproja i tij Pandeli Kokaveshi i cili pas arrestimit, u shtrua në spital.
