Nëpërmjet një komunikate deputeti Ervin Salianji bën me dije se i ka dërguar shkresë me aktakuzën dhe lajmet ndërkombëtare në lidhje me arrestimin e ish-zyrtarit të FBI-së Charles McGonigal institucioneve në vend, SHISH, SPAK dhe Ministrisë së Brendshme për hetimin e përfshirjes së qeverisë Rama.
Por, Salianji shprehet se deri tani nuk ka marrë asnjë përgjigje nga institucionet shtetërore.
“Të gjitha mediat ndërkombëtare e kanë pasur në faqe të parë dhe lajm të parë Shqipërinë, si një vend i cili ka tentuar të korruptojë në këtë rast.
Unë smund të bëj dot as prokurorin, as akuzatorin, por moralisht mendoj se nuk ka asnjë çështje më të rëndësishme. Nuk ka asnjë reagim nga institucionet shtetërore.
Për këtë arsye sot si deputet i kam dërguar këto shkresa SPAK-ut, SHISH dhe Ministrisë së Brendshme, Policisë dhe Agjencisë së Inteligjencës së Min së Brendshme”, tha Salianji.
Ai tha se materialet e dala janë të mjaftueshme për të nisur hetimin duke i drejtuar më tej disa pyetjeve këtyre institucioneve.
