Ditën që Kryeministri po kërcënonte me largimin e Shqipërisë nga Gjykata e Arbitrazhit ICSID, shfaqet një tjetër padi ndaj vendit tonë.
Më 7 prill, gjermanët e EMS Shipping dhe Trading ngritën një padi në Uashington kundër Shqipërisë lidhur me kontratën e koncensionit për Portin e Durrësit.
Kujtojmë se në vitin 2013 kompania fitoi të drejtën e kontratës koncesionare për të operuar në Terminalin Lindor në Portin e Durrësit, për ngarkimin dhe shkarkimin e anijeve. Padija e ngritur nga gjermanët bazohet në projektin e ri të tranformimit të Portit të Durrësit, ku si rrjedhojë do zhvendos koncesionarin në Porto Romano.
Mungesa e portit të ri dhe përfundimi i projektit bën koncesionarin të EMS të jetë skeptik dhe dyshues për vazhdimësinë e kontratës së tij. Theksojmë se koncesionari ka realizuar veprimtarinë e tij rreth 10 vjetësh nga 35 vjet të firmosura.
Koncesionari ka ngritur shqetësimin e tij edhe me letër komunikimi ndaj organeve kompetente para se të ngrinte padinë.
