Ndaj protestës së ditës së sotme që do të mbahet nga drejtuesi Sali Berisha në Bulevardin Dëshmorët e Kombit, përballë Kryeministrisë dhe në zona të tjera të kryeqytetit, nuk ka munguar dhe reagimi Ambasadës Amerikane.
Kjo e fundit, ka këshilluar qyetarët që të jenë të kujdesshëm dhe të shmangin tubimet e medha pasi ngjarjet në protestë janë të paparashikueshme duke ndryshuar nga momenti në moment.
Njoftimi Ambasadës Amerikane:
“Një protestë është planifikuar të zhvillohet në Bulevardin Dëshmorët e Kombit, përballë Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve.
Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, thuhet në njoftimin e ambasadës amerikane
