Tërmeti i të dielës me magnitudë 4.7 ballë të shkallës righter me epiqendër në Klos, ka vënë në rrezik jetën e 45 banorëve të një pallati në Bulqizë.
Burime bëjnë me dije se policia lokale ka vendosur shirit bllokimi në një pallat, teksa është kërkuar largimi i banorëve. Pallati ka pësuar dëmtime dhe më herët nga tërmeti i 2019-ës, ku edhe atëherë u vendos për 2 javë shiriti ku tregohej se ai ishte i pabanueshëm.
Por duke qenë se banorët nuk kishin një vend strehimi tjetër janë detyruar të kthehen përsëri në pallat, ndonëse iu rrezikohej jeta. Siç shihet dhe në foto, pallati është dëmtuar dhe është shpallur i pabanueshëm.
