Kryebashkiaku i Libohovës u paraqit ditën e sotme në SPAK, pasi akuzohet për ‘Shpërdorim detyre’ gjatë kohës që ishte shef i Krimeve në Gjirokastër. Leonard Hide dyshohet se ka lejuar kultivimin e kanabisit me qëllim për të përfituar para.
Ndërkohë, në një deklaratë për mediat, Hide u shpreh se nuk ishte në dijenui të hetimit, gjatë kohës që kandidoi për kryetar bashkie. Ai shprehu gatishmërinë për të hequr dorë nga posti i kryebashkiakut e të përballet me drejtësinë.
“Kur kandidova për kryetar bashkie nuk isha në dijeni të hetimit. Nëse është e nevojshme do largohem si kryetar bashkie për t’u përballur me drejtësinë“, u shpreh ai.
