Partia Demokratike dhe kryetari Lulzim Basha kanë organizuar një tryezë dialogu “Harku Euro-Atlantik”, ku ka marrë pjesë edhe ish-presidenti Bamir Topi.
Ish-presidenti Topi, gjatë fjalës së tij kujtoi marrëveshjen e vitit 2008, ku tha se ajo marrëveshjes mes Berishës dhe Ramës erdhi menjëherë pas tragjedisë së Gërdecit.
Në atë kohë sipas Topit, ishte “një kryeministër në hall, një mazhorancë në hall”.
“Nuk mund të lë pa përmendur kontekstin historik atë që ndodhi në prillin e vitit 2008. Kam folur shumë, por duke parë rezultatet e asaj marrëveshjeje që vini ne thelloheshin bënin që zëri im të forcohej. Prilli i vitit 2008 erdhi shumë shpejt pas një ngjarjeje tragjike, e kam fjalën për shpërthimin e Gërdecit. E kujtoj fare mirë një kryeministër në hall, një mazhorancë në hall. Përgjegjësinë dhe uljen e kredibilitetit qoftë në opinionin publik dhe atë ndërkombëtar. Dhe papritur vijnë komunikime të nëndheshëm të një marrëveshjeje të errët okulte që paralajmëroi një shpërthim tjetër i themeleve të shtetit të parashikuar në kushtetutën e 98”, u shpreh ai.
