Është shtyrë seanca ndaj deputetit të Partisë Demokratike Ervin Salianji.
Gjykata e Apelit nëpërmjet njoftimit i kishte kërkuar deputetit Ervin Salianji mundësinë për të ndërruar avokat. Pas kësaj kërkese Salianji ka zgjedhur dy avokatë të tjerë për përfaqësimin e tij, Marash Logu dhe Redi Ramaj.
Avokatët e rinj kërkuan kohë për t’u njohur me aktet, çka bëri gjykatën të marrë vendimin për shtyrje seance.
Seanca e radhës është caktuar më 25 korrik në orën 10:00.
