Krijimi i universiteteve publike të pavarura rrezikon dhënien e këtyre insitucioneve më Koncesion. Kreu i shoqatës së punonjësve të arsimit të lartë, thotë se një universitet nuk është SHPK që të kthehet OJF. Ndërkohë që kërkojnë një ristrukturim të programeve të studimit në rrethe për të shmangur mbylljen e tyre.
Sindikata e Punonjësve të Arsimit të Lartë e ka konsideruar krijimin e universiteteve publike të pavarura si një hap drejt dhënies së universiteteve me PPP.
Kreu i sindikatës, Aleksandër Kovaçi thotë se këto institucione nuk janë SHPK, për tu kthyer në Organizata Jo Fitimprurëse.
“Të gjithë pedagogët do detyrohen të kalojnë në fazë të një kontrate njëvjeçare dhe fati i tyre natyrisht mbetet në duart e pronarëve apo të drejtusve të ardhshëm .Nuk ngelet gjë tjetër pas kësaj skeme që mund të zbatohet, vetëm shitja apo dhënja si PPP e institucioneve të Arsimit të Lartë Publik, që mund të ishte një hap shumë i shpejt në të ardhmen sepse aktualisht ata nuk janë SHPK.
Nuk janë Organizata Fitimprurëse si ato private. Kjo VKM do ishte e vlefshme për privatët, në qoftë se duhet të kalojnë në fondacione,” tha ai.
Përqëndrimi i të gjitha programeve të studimit në Tiranë, duke mbyllur rrethet, është një tjetër shqetësimi i punonjësve të universiteteve, megjithëse edhe për ta ka nevoj për një riformatim .
“Në qoftë se universitetet e rretheve mbyllen, në ato rrethe ka vdekje intrelektualizmi. E pranojmë që ka nevojë për ristrukturim, e pranojm që ka nevojë për ndryshim prioritetesh, e pranojme që nuk ka nevojë për degë juridike për të gjitha universitetet,” tha Aleksandër Kovaçi.
Lidhur me këresat e tyre drejtuar qeverisë Aleksandër Kovaçi tha se ka nisur shqyrtimi i disa prej pikave të peticionit,ndërsa la të hapur mundësinë për bojkot të sezonit të provimeve, nëse sdo të ketë një përgjigje pozitive për ta.