Është zhvilluar një mbledhje para seancës plenare të Kuvendit nga grupi parlamentar i Partisë Socialiste.
Kreu i grupit parlamentar socialist, Bledi Çuçi bëri një përbledhje të agjendës parlamentare për këtë javë, teksa kërkoi pjesëmarrjen e deputetëve ditën e enjte në seancën në të cilën do të votohet marrëveshja me Italinë për strehimin e emigrantëve afrikanë në Gjadër të Lezhës.Ndër të tjera, lidhur me amnistinë penale Çuçi u shpreh se, nëse do të arrihet dakordësi me opozitën, edhe ky ligj do të përfshihet në seancën e ditës së enjte.
