Shtyhet afati i përdorimit të kartave të identitetit të cilave u ka kaluar afati i përdorimit.
Të gjithë qytetarët që e kanë këtë problem, do ta kenë mundësinë që të votojnë në zgjedhjet e 14-majit.
Këtë njoftim e bëri të ditur Ministri i Brendshëm Bledi Çuçi i cili përmes një Konference për mediat gjithashtu ka paralajmëruar edhe ulje të çmimeve të pasaportave dhe kartës së identitetit (ID).
Ndër të tjera Çuçi ka thënë se:
Do të ketë ulje të çmimeve për mjetet e identifikimit si passaport dhe kartë identiteti pasi prodhimi i tyre nuk është më në dorë të një kompanie private,.
Çuçi gjithashtu tha se me “IdentiTek” do mund të ketë fleksibilitete dhe shteti do mund të ndërhyjë më tepër për t’i ardhur në ndihmë qytetarëve. Kompania publike ndihmon gjithashtu për të lehtësuar barrierat e dikurshme për të bërë ndryshime eficente për qytetarët.
“Nuk është e lidhur fare me çmimin, është marrëdhënie kontraktore me kompaninë që mbaron në korrik të këtij viti. Do përfundojmë kontratën dhe do e marrim në dorëzim gjithë kompaninë e kartave. Pastaj çështja e çmimit është një çështje që vendoset. Jemi më fleksibël për t’i ndryshuar çmimet. Jemi fleksibël por s’lidhet me ndryshimin e ligjit.”, -tha Çuçi.
